മാധവം. 61 2008 ലെ ചിത്രങ്ങളിലാണ് നമ്മൾ കഴിഞ്ഞ ഭാഗം അവസാനിപ്പിച്ചത്. ഇനി 2009 ലെ ചിത്രങ്ങളിലേയ്ക്ക് കടക്കാം. വർഷം : 2009 #തിരുനക്കര_പെരുമാൾ തിരുനക്കര ഫിലിംസിനുവേണ്ടി പ്രസാദ് വാളാഞ്ചേരി സംവിധാനം ചെയ്ത ചിത്രമാണ് പെരുമാൾ. മധുസാറിനെക്കൂടാതെ ജഗതി ശ്രീകുമാര് ‍ , സീമ മണിയൻപിള്ള രാജു, റിയാസ് ഖാൻ, ബാബു ആന് ‍ റണി, ലക്ഷ്മി ശർമ, കല് ‍ പ്പന,ടി പി മാധവൻ, മോഹൻ അയിരൂർ എന്നിവരാണ് പ്രധാന അഭിനേതാക്കൾ. കളപ്പുരയ്ക്കൽ മത്തായിച്ചൻ എന്ന കഥാപാത്രത്തിനാണ് ഈ ചിത്രത്തിൽ മധുസാർ ജീവൻ നൽകിയത്. രാജീവ് ആലുങ്കൽ എഴുതി ഗിരീഷ് നാരായണൻ (സൂര്യനാരായണൻ) സംഗീതം നൽകിയ അഞ്ചു ഗാനങ്ങൾ ഈ ചിത്രത്തിലുണ്ട്. ഗിരീഷ് നാരായണൻ സംഗീത സംവിധാനം ചെയ്ത ആദ്യ ചിത്രമാണിത്. #ഒരു_പെൺ_ഒരു_പയ്യൻ (തമിഴ്) നരേൻ ദൈവനായഗം കഥയും തിരക്കഥയുമെഴുതി സംവിധാനം ചെയ്ത തമിഴ് ചിത്രം. മധുസാറിനൊപ്പം സന്ദീപ്, രൂപശ്രീ തുടങ്ങിയവരാണ് പ്രധാന അഭിനേതാക്കൾ. വിശ്വനാഥൻ എന്ന കഥാപാത്രത്തെയാണ് മധുസാർ ഈ ചിത്രത്തിൽ അവതരിപ്പിച്ചത്. സംഗീത സംവിധാനം – കാർത്തിക് രാജ #പാസഞ്ചർ 2009 ലെ ശ്രദ്ധേയമായ ഒരു ചിത്രമാണ് പാസഞ്ചർ. ഈ ചിത്രം അവതരണംകൊണ്ടൂം പ്രമേയംകൊണ്ടും ശ്രദ്ധേയമായി. ഐ ടി രംഗത്തുനിന്നു